¿Á xà ndákani-inikún nìsa koo tiempo vàxi? Ká'àn Biblia chi, kuniyó ñà'a ñà ndayu'ú-iniyó xí'in, và'a chi, ñà vá'ava kúviña.
Ndàtù'únva rà Jesús ndíá ñà kuniyó ra kundàà-iniyó ñà xà nìnumí ka'ndiachíñu Ndióxì (Lucas 21:31). Kùà'á ñà nìkà'ànra xà'á, tá kúu ñà katá'anní nà ñuu, ndieéní ka'nda, koo sòko, ra saátu kooní kùè'è ñà xíkùn. Ra ñà yó'o kúvi ñà kúú vichinva (Lucas 21:10-17).
Ká'àn Biblia chi, tá xà nìnumí ndi'i-xà'á nà chíñu ñàyǔví yó'o ra, kuniyó ñà kininí kuu nà yùví. Nùú 2 Timoteo 3:1-5 kuvi ka'vikún ñà ká'àn xà'á ñà yó'o .* ¿Ásùú saá íyo ini nà yùví nà íyo tiempo vichin?
¿Ndíá ñà ná'à ñà yó'o nùúyó? Ñà xà nìnumí ka'ndiachíñu rà chíñu Ndióxì nùú ñàyǔví yó'o ra, sanduvà'ara-ña ñà và'a kundeeyó (Lucas 21:36). Nùú Biblia ká'an Ndióxì chi, asara kùà'á ñà và'a ñàkán vií koo nùú Ñu'ún yó'o ra sìí koo iniyó. Ná kà'à'anyó xà'á sava ñà yó'o.
IIN GOBIERNO RÀ VÀ'ANÍ
Rà Jesús kúvi rà ndàki'in chiñu ñà ka'ndiachíñura nùú túkúndi'i ñuu, ra nùú túkúndi'i nà ká'àn ndìà ndíáka tù'un. Ñà ka'ndiachíñura ndǐ'i-xà'áña. (DANIEL 7:14).
Ñà kúnì kachiña. Ñà kuvi kusìí-iniyó kutiakuyó nùú ka'ndiachíñu iin gobierno và'a ñà chìndú'ú Ndióxì, ra tàxira chiñu yó'o nda'á rà Jesús ñà kuura Rey.
KǑOKA KÙÈ'È
Ñà kúnì kachiña. Ndǒ'o-inikayó xí'in ñà ndó'oyó vichin, nii kǐ'inka kùè'è yóó. Kuvi kutiakuyó ndisaá tiempo.
TÁXINNÍ KOO
Ñà kúnì kachiña. Kǎkuka kùàchi, nii kǒoka nà katá'an.
NINA NÀ VÀ'A KOO NÙÚ ÑU'ÚN
Ñà kúnì kachiña. Kǒoka nà yùví vǎ'a; nina nà kándíxa Ndióxì koo.
INÍÍ SAÁ NÙÚ ÑU'ÚN YÓ'O NDUU NDUVIÑA
Ñà kúnì kachiña. Iníí saá nùú Ñu'ún yó'o nduu nduviña. Ndióxì, saxìnura ñà ndúkúyó nùúra, ñà ná koo ñà kúnìra nùú Ñu'ún yó'o (Mateo 6:10).
__________