Ñà ká'àn Biblia
Kǔchiñu nà yùví sandi'ina xà'á kùàchi, ra kutáxin ñàyuuví yó'o. Ra, ¿nìchun kǔví?
- “Kǒó ndìàyú1 nà yùví ñà asaana ñà kúnìna.” (Jeremías 10:23.) Kǒé níkuvà'a nà yùví ñà ka'ndiachíñuna nùú tá'anna, ra ni kǒó ndieèna ñà và'a ka'ndiachíñuna. Ñàkán kǔví sandi'ina xà'á kùàchi ra koo táxin ñàyuuví.
- “Kǔndiaa-inindó nà ná'nu ni ndìà ndíaka inka tìàa, saá chi kǔchiñuna sakàkuna inkana. Saá chi, kíta tàchína [ra xí'ìna] ra ndúuna ñu'ún, ra mií kìvíkán ndí'i-xà'á ñà ndàkanixìnína asaana.” (Salmo 146:3, 4.) Ni vá'aníva-ini iin nà chíñu, kǔvi sandi'ina xà'á kùàchi.
- “Tá xà kùà'àn ndí'i kìví, ù'vìní koo ñàyuuví yó'o, ra nǐ'ina nísaa kooña. Saá chi, nà yùví [...] kùè'ènítu koona, ra kǔ'vìtu-inina kunina ñà và'a, ra saátu xìkó tá'anna, ra kǒé ìyo koo inina, ra kutìàanítu-inina nùú inkana.” (2 Timoteo 3:1-4.) Íyoyó kìví ñà xà kùnùmí ndi'i-xà'á ñàyuuví yó'o, ra xà'á ñà vǎ'a ñà íxaa nà yùví, kǔví ndi'i-xà'á kùàchi ra và'a kutáxin.
- “¡Ndá'viní ñu'ún ra ndá'vinítu tíáñú'u!, saá chi, rá Ndivà'a nùura nùú ndéendó, ra ndieéní sáara, ra kúndàà-inira ñà xà lo'oní tiempo kíndòo nùúra.” (Revelación 12:12.) Rà Ndivà'a rà kánitá'an xí’in Ndióxì, chìkààna-ra chí nìnu nùú ñu'ún yó'o, rà yó'o kúvira chíyu'u2 nà yùví ñà kùè'èní koona ra kǔndá'vi-inina kunitá'anna, saá chi saá íyo ini miíra. Kǔví koo táxin ñàyuuví yó'o, saá chi rà yó'o kúvira xá'ndiachíñu nùúña (Juan 12:31).
- “[Ñà chíñu3 Ndióxì] sandi'i-xà’á túkúndi'i nà chíñu [ná kǒé kítá'an xí'in Ndióxì], ra mií ñà yó'o koo ndisaá tiempo.” (Daniel 2:44.) Rà chíñu rà chìndú'u Ndióxì ka'ndiachíñu kúvi rà sandi'i-xà'á kùàchi ñàyuuví yó'o, ra saá kúvi ñà ndixa táxinní koo kundeeyó ndisaá tiempo (Salmo 145:16).
__________
1 Ichí, yìchi.
2 Chínda'á.
3 Gobierno.
__________
Kànaña nùú jw.org.
