Consejo ñà táxi Biblia nda'áyó kuvi chindieétá'an xí'inyó ñà kǒé ya'aní ndì'i iniyó. Yóó ra kǔví sandi'iyó xà'à túkúndi'i ñà sándì'i iniyó ndí, Ndióxì ra kuviva sandi'ira xà'àña. Xà tàxivara chiñu nda'á iinra ra kuvi chindieétá'an xí'inyó: rà Jesucristo. Xà nìnumí ñà asavíi rà Jesús nùù Ñu'ún yó'o ra kùà'áka ñà và'a asara nùù ñà ìxara tá kìxira. Ná kà'ànyó xà'à savaña.
SANDUVÀ'A RÀ JESÚS NÀ NDIEÉ NDÓ'O
“Ra kìxini’ina nùúra túkúndiʼi nà vǎʼa íyo, nà ndíʼiní ini xàʼà kuèʼè ñà ndieé dó’ona xíʼin tùndoʼó ñà ndó’ona; [...] ra sànduvà’arana” (MATEO 4:24).
TAXI RÀ JESÚS VE'E NÙÙ KUNDEEYÓ RA TAXITURA ÑÀ KUXI TÚKÚNDI'INA
“Ra ndixa và’a asavà’ana ve’e, ra kundeena tìxinña; ra chi’ina tún uva ra kaxina ñà’a nda’ánú. Kǒé asavà’ana ve’e ra inkana kundee tìxinña, ra kǒé chi’ina ra inkana kaxi ñà’a ñà chì’ina” (ISAÍAS 65:21, 22).
TAXI RÀ JESÚS ÑÀ TÁXÌNNÍ KOO ÑÀYUUVÍ
“Kìvì kán, nina nà yùví và’a koo, ra iin táxìnní koo ra ndǐ’i xà’à ñà táxinní koo iin ndìà tá kù’và kǒé ndi’i xà’à yòó. Mìíra ra ka’ndiachíñura chí nùú íyo tìkuìí tíáñú’u yó’o ndìà tìkuìí tíáñú’u chí inka xiyo, ra ka’ndiachíñura nùú xínu Ìtiaa yó’o ra ndìà nùù ndí’i ñàyuuví; [...] ra nà xínikùè’è ña’á kaxina yáka” (SALMO 72:7-9).
SANDI'I RÀ JESÚS XÀ'À ÑÀ VA'A
“Kundá’vi inira kunira nà vitá íyo ini ra saátu nà ndà’vi, ra sakàkura nà ndà’vi yó’o. Sakàkurana nùú kùàchi ñà chíkààña’ána” (SALMO 72:13, 14).
SANDI'I RÀ JESÚS XÀ'À ÑÀ SÁNDO'O INIYÓ RA SAÁTU ÑÀ XÍ'Ì NÀ YÙVÍ
“Kǔvikana, nii kǔsuchíka inina, nii vǎkukana, nii tǔxú’vina” (APOCALIPSIS 21:4).
