“Túkúndi'ivayó ndí'ì-ini ndí, yù'ù ra, sǔví lo'o ndí'ì-iniyù. Ra, sǔví tákua xà'á iin ñà ndieé và'a kúviña chi, xà'á kùàchi ra tùndo'ó ñà ndó'oyù kúviña. Saátu xà kùà'ání kùìyà ndíáayù tìàa ìiyú, saáchi ndieéní ndieé ndó'ora” (Julia). *“Ndàkoova ñá sí'iyù yù'ù, ra sàkua'nu mitú'un saáyù ùvì saá sè'eyù. Ù'vìní ñà sákua'nu mitú'unyó sè'eyó. Ra iin ñà ndieéka ndò'oyù, saá chi, tàvána yù'ù nùú íxachíñuyù, ra nǐxíyo miíví xù'ún ñà sanda'ayù carroyù. Iin sàna xìníyù xí'in ñà ndò'oyù ra ndieéní nìndì'i-iniyù ra nii nǐkundieéka-iniyù. Kúndàà và'a iniyù ñà vǎ'a ñà ka'níyù miìyù, ra ñàkán nùú mií Ndióxì xàku ndá'vìyù ñà và'aka miíra ná ka'ní yù'ù ra và'aka ná kuviyù” (Barry).
Iin ndìà tá kù'va ndò'o ñà Julia ra saátu rà Barry, ¿á túvìkún ñà kǔndieéka-inikún? Átu saá ndó'okún ra, revista yó'o chindieétá'an xí'inkún ñà kundàà-inikún míí vàxi ñà sándì'i-iniyó, ndíá ñà vǎ'a kuvi asaña xí'inyó ra nìsa kuchiñuyó xí'inña.
__________
* Nìsamava kìvína ñà vàxi yó'o.
__________
__________
* Nìsamava kìvína ñà vàxi yó'o.
__________
